Noreg som vinterdestinasjon er i vekst – fleire reisande i februar

10 Mar 2026 11:30 CET

3,8 millionar reiste gjennom Avinor sine lufthamner i februar. Dette er ein auke
på 5 prosent samanlikna med same månad i fjor. Auken i talet på reisande ein såg
i januar held fram i februar.

Som i januar er auken størst blant utanlandsreisande. Meir enn 1,5 millionar
reiste gjennom Avinor sine lufthamner. Det er ein auke på 7 prosent samanlikna
med februar i fjor. Voksande vinterturisme til Noreg er ein viktig årsak til
passasjerauken.

– Året starta med ein auke i det samla talet på reisande i januar, og denne
utviklinga held fram i februar. Tala for både januar og februar seier oss at
Noreg som vinterdestinasjon er i sterk vekst, seier Gaute Skallerud Riise,
direktør for trafikkutvikling i Avinor.

Også på innanlandsreiser auka passasjertala. I februar reiste 2,2 millionar
-det er ein auke på 3 prosent.

Flyrørsler
Talet på flyrørsler har ikkje auka samanlikna med februar i fjor. Det var nær
45.000 flyrørsler i februar, 1 prosent færre enn i februar i fjor. Dette vil
seie at flyselskapa har fleire passasjerar på flygingane i år.

Auke i droneaktiviteten
I februar var 1629 droneflygingar registrert. -Dette er 13 prosent færre enn i
februar i fjor, og for aller første gong er tala lågare enn i same månad året
før. Det er ikkje uvanleg at, vintervêret gir lågare droneaktivitet, seier Mats
Gjertsen Bye, leiar for Avinor sitt droneprogram. – Ein kan vente at tala stig
att når det blir mindre vind og varmare i vêret, seier Gjertsen Bye.

Nøkkeltal for februar 2026 samanlikna med februar i 2025:
3,8 millionar passasjerar (+5 %)
2,2 millionar innanlands (+3 %)
1,5 millionar utanlands (+7 %)
45 000 flyrørsler (-1 %)
1629 droneflygingar (-13 %)

Lenke til statistikk:
https://om.avinor.no/om-oss/trafikkstatistikk/

More information:
Access the news on Oslo Bors NewsWeb site

667889_Avinor trafikktal februar 2026.pdf