God passasjervekst i september

11 Oct 2024 12:00 CEST

4,8 millionar passasjerar reiste til og frå Avinor sine flyplassar i september.
Dette er ein auke på 7 prosent samanlikna med september i 2023.
Så langt i år har det vore 39 millionar reisande på våre flyplassar, som er 4
prosent fleire enn i same periode i 2023.

I september var det auke blant både innanlands- og utanlandsreisande, samanlikna
med september i fjor. Den største auken har vi blant dei utanlandsreisande, med
heile 9 prosent. Veksten blant innanlandsreisande er på 6 prosent. -Veksten
blant utanlandsreisande er framleis sterk. Slik har det vore lenge. Men i
september såg vi at veksten i innanlandstrafikken også tok seg opp samanlikna
med føregåande månader, seier Gaute Skallerud Riise, direktør for
trafikkutvikling i Avinor.

Fullare fly
-Samstundes som vi ser 6 prosent fleire reisande innanlands, ser vi 1 prosent
nedgang i flyselskapa si setekapasitet. Kabinfaktoren blir med dette 4 prosent
høgare enn i september i fjor. Selskapa fyller altså flya sine meir, seier
Skallerud Riise. Så langt i år ligg passasjerveksten innanlands på 2 prosent.

Vekst i nord
Veksten i innanlandstrafikken er særleg sterk på dei større lufthamnene i
Nord-Noreg. Dei same lufthamnene har òg sterk vekst blant utanlandsreisande.

Flyrørsler
Det var 57 078 kommersielle flyrørsler i september. Dette er 2 prosent fleire
enn i september i fjor. Det har vore 1 prosent færre flyrørsler så langt i år
samanlikna med same periode i 2023.

Framleis kraftig auke i droneflyging
I september vart det meldt inn 2.895 flygingar med drone i Ninox Drone, Avinor
sitt system for handtering av dronar. – Den sterke auken i droneflyging held
fram, seier Mats Gjertsen, leiar av Avinor sitt droneprogram.
- Så langt i år er 19.384 droneplanar meld inn. Dette er heile 75 prosent
fleire flygingar enn på same tid i 2023.

Lenke til statistikk:
https://avinor.no/konsern/om-oss/trafikkstatistikk/trafikkstatistikk

More information:
Access the news on Oslo Bors NewsWeb site