Sparebanken Sogn og Fjordane 2. kvartal 2024

14 Aug 2024 17:00 CEST

Styret i Sparebanken Sogn og Fjordane har handsama rekneskapen for 2. kvartal
2024. Rekneskapen viser eit resultat etter skatt på 221 millionar kroner for
kvartalet og ein eigenkapitalavkastning på 12,8 %.

Netto renteinntekter enda på 394 millionar kroner, ein auke på 38 million kroner
frå 2. kvartal 2023 og ein auke på 7 millionar kroner frå førre kvartal. Banken
har vekst i utlån til privatmarknad på 4,1 % siste 12 månadar. Veksten i 2.
kvartal isolert er på om lag MNOK 700 og er betre enn dei føregåande kvartala.
Banken har framleis låg vekst i utlån til bedriftsmarknaden på 0,5 % siste 12
månadar.

Banken har ein høg kostnadsvekst for tida, delvis forklart med ekstrakostnadar
som følgje av skifte til SpareBank 1-alliansen. Banken har kostnadsført om lag
MNOK 12 på konverteringsprosjektet i 2. kvartal. Prosjektet er venta å samla
koste i overkant av MNOK 60 i ekstern konsulentbruk, i tillegg til vesentleg
intern timebruk.I tillegg har banken for tida ein del doble kostnadar elles
knytt til at vi er på veg inn i ny allianse. Banken har også høgt aktivitetsnivå
utover dette, med auka konsulentbruk. Samla har banken ein kostnadsvekst på 23,9
% i Q2 2024 samanlikna mot Q2 2023. Underliggande kostnadsvekst justert for
eingongskostnadar er estimert til 13,3 %, der delar av denne kostnadsveksten
også har samanheng med konverteringa.

Banken har kostnadsført netto 19 millionar kroner på tapsavsetningar i
kvartalet, der 6 millionar kjem frå individuelle tapsavsetningar og 13 millionar
frå modellbaserte avsetningar.

I sum gir dette eit resultat etter skatt på 221 millionar kroner. Banken hadde
eit særskilt godt resultat i 2. kvartal i fjor, med høg inntektsføring på
finansielle instrument og netto inntektsføring på tap, så samanlikna med det
kvartalet er det ein reduksjon i resultat. Banken er likevel godt nøgd med
resultatet. Konsernet har pr. 30.06.24 rein kjernekapitaldekning på 17,2 % og
total kapitaldekning på 20,7 %. Inkludert 50 % av perioderesultat er rein
kjernekapitaldekning på 17,9 %.

Den fullstendige kvartalsrapporten er lagt ved, saman med ein presentasjon av
tala pr. 2. kvartal 2024.

Kontaktpersonar: Trond Teigene, adm. direktør, tlf. 908 25 086
Frode Vasseth, direktør økonomi og finans, tlf. 951 98 452

More information:
Access the news on Oslo Bors NewsWeb site

625163_SSF Investorpresentasjon Q2 2024.pdf
625163_SSF kvartalsrapport 2. kvartal 2024.pdf