Passasjertrafikken over lufthamnene auka med 10 prosent i april

13 May 2024 11:55 CEST

4,15 millionar reisande nytta Avinor sine lufthamner i april. Dette er ein auke
på 10 prosent samanlikna med april i fjor. Det er særleg talet på
innanlandsreisande som aukar, med 14 prosent. Talet på utanlandsreisande auka
også, med 5 prosent. Samla er totaltrafikken i tråd med prognosane for året.
Talet på flyrørsler auka med 6 prosent samanlikna med april i fjor.

Bakgrunnen for den kraftige veksten på innland i april og den noko lågare
veksten på utland, er knytt til at påska i fjor fall i april. Påska er ein
periode med få reiser innanlands og auke blant utanlandsreisande, fortel Gate
Skallerud Riise, direktør for trafikkutvikling i Avinor.

Riise legg vidare til at utviklinga i fraktmarknaden held fram med styrke, og
det blir transportert betydeleg meir gods over Oslo lufthamn enn vi såg i same
periode i fjor: -For april er voluma opp med 22 prosent, eller heile 15 143
tonn, medan det så langt i år er ein oppgang på 15 prosent og 59 755 tonn. Dette
er i tråd med vår strategi om å trekke meir fraktvolum over våre lufthamner for
å styrke tilgjengelegheita til den norske marknaden for gods og passasjerar,
framfor at gods blir floge inn og ut frå andre stader i Europa for så å sendast
på lastebil til og frå Noreg.

-Sommarprogramma til flyselskapa kom i gang i overgangen mars til april, og
voluma aukar dermed også betydeleg når vi går inn i ein travel sesong for
reiselivet. Vi merkar oss at flyselskapa forventar høg etterspurnad inn i
sommaren, og Avinor skal sørge for at avviklinga ved våre lufthamner går bra,
slik at dei reisande får ei god oppleving på flyplassen, avsluttar Riise.

Passasjertal og flyrørsler i mars
2,5 millionar passasjerar reiste innanlands i april, ein auke på 14 prosent frå
april i fjor. Talet på reisande utanlands var 1,6 millionar, ein auke på 5
prosent frå i fjor. Samanlagt er det 10 prosent fleire reisande enn i april i
fjor. Det var 62 675 flyrørsler i april. Dette er 6 prosent meir enn i april i
fjor.

Ny rekord i droneflyging - meir enn 2000 flygingar i april.

I april vart det meldt inn 2117 flygingar med drone i Ninox Drone, Avinor sitt
system for handtering av dronar.
– Dette er meir enn dobla frå april i fjor, og er fyrste gong vi har over 2.000
flygingar i Ninox Drone på ein månad, seier Mats Gjertsen som leiar Avinor sitt
droneprogram.- Varmare og betre vêr gir fleire droneflygingar, og vi ventar
framleis stor auke i bruken av Ninox Drone, seier Gjertsen.

Lenke til statistikk:
https://avinor.no/konsern/om-oss/trafikkstatistikk/trafikkstatistikk

More information:
Access the news on Oslo Bors NewsWeb site