Passasjertala vaks kraftig utanlands, men gjekk tilbake innanlands i mars

10 Apr 2024 12:10 CEST

5 millionar reisande nytta Avinor sine lufthamner i mars. Dette er ein auke på 1
prosent samanlikna med mars i fjor. Det er utanlandstrafikken som aukar, med
heile 12 prosent. Innlandstrafikken gjekk derimot tilbake med 5 prosent
samanlikna med mars i fjor.

-Årets tidlege påske har prega trafikktala for mars. Dette er spegla i den
kraftige veksten i utanlandstrafikken og negativ utvikling i innlandstrafikken,
sett opp mot fjoråret der påska var i april, fortel Gaute Skallerud Riise,
direktør for trafikkutvikling i Avinor. Riise fortel at om ein måler
passasjertala for påska isolert sett mot påska i fjor, hadde Avinor ei betring
på 3,8 prosent utanlands og 1,7 prosent innanlands. Det er ei god utvikling med
tanke på at påska låg i flyselskapa sine vinterprogram. -Sommarprogramma til
flyselskapa går mellom 31. mars og 26. oktober. I denne perioden har flyselskapa
meir kapasitet i marknaden, og frå 31. mars startar ein brattare auke i
trafikken framover mot sommarferien.

Utlandstilbodet nærmar seg 2019-nivå i sommar - om prognosen stemmer
Riise fortel vidare at flytilbodet til utlandet er venta å liggje 8 prosent
høgare enn i sommarperioden i fjor. - Dette kan ta oss til 98 prosent av nivået
før pandemien på tilbodssida, altså det som er av tilgjengeleg setekapasitet.
Utviklinga er likevel svakare enn det vi ser Danmark, som har ein tilbodsvekst
på 10 prosent mot fjoråret. Dei ser ut til å nå 102 prosent i sommar, samanlikna
med sommaren før pandemien. Det er ei uro knytt til at utviklinga er svakare hos
oss enn vi ser i fleire andre europeiske land. Ei slik utvikling vil være
negativ for Noreg si tilgjengelegheit internasjonalt, som særleg store deler av
næringslivet er avhengig av.

Passasjertal og flyrørsler i mars
2 378 516 passasjerar reiste innanlands i mars. Talet på reisande utanlands var
1 579 346. Det var 56 894 flyrørsler i mars. Dette er 7 prosent lågare enn i
mars i fjor.

Droneflyging aukar når det blir varmare i veret
I mars vart det meldt inn 1734 flygingar med drone i Ninox Drone - Avinor sitt
system for handtering av dronar. -Det er ei stor auke i talet på droneflygingar
i mars samanlikna med mars i fjor, seier Mats Gjertsen, leiar for
droneprogrammet til Avinor. - Nå som vi går inn i våren er det venta enda fleire
droneflygingar. Ninox Drone syter for at Avinor kan leggje til rette for denne
auka på ein sikker måte, seier Gjertsen.

Lenke til statistikk:
https://avinor.no/konsern/om-oss/trafikkstatistikk/trafikkstatistikk

More information:
Access the news on Oslo Bors NewsWeb site