Inntektsvekst for Tysnes Sparebank i 2023

15 Feb 2024 17:45 CET

Sterk vekst i inntekter
Banken handsama i styremøtet 15. februar 2024 kvartalrekneskapet for siste
kvartal i 2023. Rekneskapet er ikkje revidert. Etter at revisor har gjennomgått
rekneskapen skal styret fremja årsrekneskapet til forstanderskapet sitt møte 21.
mars saman med forslag til utbytte på eigenkapitalbevisene.

Renteinntektene auka med nesten 20 mill. kroner samanlikna med året før. Ein
stor medverknad til auken er den gode veksten i utlån som banken har hatt i
2023.

Kostnadsauke på 10 mill. kroner
Banken har auka kostnadene med om lag 10 mill. kroner samanlikna med året før.
Dette har bakgrunn i ein stor del eingongskostnader i samband med bytte av
dataleverandør og kostnader relatert til samanslåingsprosessen med Haugesund
Sparebank.

Samanslåing med Haugesund Sparebank
Forstanderskapet godkjente i desember 2023 avtale om å slå saman Tysnes
Sparebank og Haugesund Sparebank. Denne prosessen er godt i gang, og det vert
arbeidd med å avklare dei endelege tidspunkta for juridisk og teknisk
samanslåing. Målet er at den juridiske samanslåinga vert gjennomført så tidleg
som mogeleg i løpet av 2024.

Etter samanslåing skal kontorstrukturen til Tysnes Sparebank vidareførast og
forsterkast. Kundane vil møta dei same medarbeidarane som i dag etter
samanslåinga. Det vert også starta ein prosess for å finna eit nytt navn på den
samanslåtte banken.

Avset 10 mill. kroner til potensielle tap i tida framover
I årsrekneskapet vert tapsavsetjingar til mogelege framtidige tap auka med 10
mill. kroner. Av dette er 2,2 mill. kroner konstaterte tap i samband med
konkursar.

«Det er krevjande tider for bedriftene grunna den uroa som er rundt oss. Mange
verksemder har likviditets-utfordringar, noko vi også må ta høgde for på
tapssida» seier banksjef Dag Sandstå.

Årsresultat før skatt om lag 1 mill. kroner betre enn året før
Til tross for store eingongskostnader og auka tapsavsetjingar er det
resultatframgong samanlikna med året før.

Dersom det er spørsmål til pressemeldingen kan banksjef Dag Sandstå telefon
90089084, epost dsa@tysnes-sparebank.no

Tysnes, 15. februar 2024

Dag Sandstå
Banksjef

More information:
Access the news on Oslo Bors NewsWeb site

611045_Kvartalsrapport 4 kvartal 2023 Tysnes Sparebank.pdf