Trenden frå 2023 held fram i januar: Vekst utanlands og flat utvikling innanlands

09 Feb 2024 14:00 CET

3,3 millionar reisande nytta Avinor sine lufthamner i januar. Det er ein auke på
2 prosent samanlikna med januar i fjor.

- Året starta sterkt med ei god utvikling i talet på utanlandsreisande mot same
månad i fjor, med ein vekst på heile 7 prosent. Talet på innanlandsreisande
hadde ein nedgang på 1 prosent. Dette er eit framhald av trenden frå fjoråret
der utanlandstrafikken dreiv utviklinga, medan innlandstrafikken flata ut.

Vintervêret i januar har prega innanlandstala med mange innstillingar. Fleire
har truleg valt å utsetje planlagde reiser.- Vi ser særleg ei auka interesse for
enkelte delar av vinterproduktet som Noreg kan tilby. Vi ser særleg ein
internasjonal etterspurnad til Tromsø lufthamn, der vi i januar opplevde ein
passasjervekst på utanlandsrutene på heile 126 prosent målt mot fjoråret, fortel
direktør for Trafikkutvikling i Avinor, Gaute Skallerud Riise.

- For 2024 samla, står Avinor fast ved tidlegare kommuniserte prognosar, der vi
ventar ein vekst innanlands på om lag 1,5 prosent og utanlands 5 prosent,
avsluttar Riise.

Passasjertal
1 997 280 passasjerar reiste innanlands i januar. Dette talet er 1 prosent
lågare enn for same månad i fjor. Med 1 220 438 utanlandsreisande i januar, auka
trafikken til og frå utlandet med 7 prosent samanlikna med januar i 2023.

Flyrørsler
Avinor hadde 50 245 kommersielle flyrørsler i januar. Det er 5 prosent færre enn
i januar i 2023.

Droneflyging
I januar vart det meldt inn 929 flygingar med drone i Ninox Drone, Avinor sitt
system for handtering av dronar. –Dette er ein auke på 50 prosent samanlikna
med januar 2023, seier Mats Gjertsen, som leiar droneprogrammet til Avinor.
–Sjølv med mykje vær og lange kuldeperiodar fortel desse tala om ein trend der
droneflyging aukar.

Lenke til statistikk:
https://avinor.no/konsern/om-oss/trafikkstatistikk/trafikkstatistikk

More information:
Access the news on Oslo Bors NewsWeb site