Sparebanken Sogn og Fjordane - 3. kvartal 2023

25 Oct 2023 17:00 CEST

Styret i Sparebanken Sogn og Fjordane har handsama rekneskapen for 3. kvartal
2023. Rekneskapen viser eit resultat etter skatt på 166 millionar kroner for
kvartalet og ein eigenkapitalavkastning på 10,2 %. Det er framleis god utvikling
i rentenetto og underliggande drift, men negativt resultat frå finansielle
postar og auka tapsavsetning gjer at resultatet ikkje blir like sterkt som førre
kvartal.

Netto renteinntekter enda på 379 millionar kroner, ein auke på 88 million kroner
frå 3. kvartal 2022 og ein auke på 23 millionar kroner frå førre kvartal.

Banken har vekst i utlån på 5,0 % siste 12 månadar, både til private
hushaldningar og til bedriftsmarknaden.

Andre driftsinntekter eksklusiv finansielle postar aukar med 2 million kroner
frå 3. kvartal 2022 til 45 millionar kroner. Finansielle postar har netto
negativ verdiutvikling med eit negativt resultat på 29 millionar kroner i 3.
kvartal.

Etter ein lang periode med tilnærma flate kostnadar har banken no ein
kostnadsvekst på om lag 13 millionar kroner i 3. kvartal samanlikna med 2.
kvartal og med 3. kvartal i fjor. Lønnsoppgjer og høg bruk av konsulentar er
hovudforklaringa bak kostnadsauken. Implementeringsprosjektet til SpareBank
1-alliansen er no satt i gang. Endeleg tidsplan er ikkje fastsatt, men banken
ventar å konvertere til SpareBank 1-alliansen i løpet av 2024. Det er påløpt 3,3
millionar kroner i kostnadar til prosjektet så langt.

Banken har kostnadsført netto 30 millionar kroner på tapsavsetningar i
kvartalet. Banken har lite auke i misleghald og andel høgrisiko så langt, men
har auka modellbaserte tapsavsetningar som følgje av at ein observerer ein auke
i sannsyn for misleghald fram i tid.

I sum gir dette eit resultat etter skatt på 166 millionar kroner. Samanlikna med
same 3. kvartal i fjor er det ein resultatframgang på 23 millionar kroner, men
auken i tapsavsetning og det negative resultatet frå finansinntekter gjer at vi
ikkje kjem opp på dei svært gode nivåa vi var på i førre kvartal.

Konsernet har pr. 30.09.23 rein kjernekapitaldekning på 16,9 % og total
kapitaldekning på 20,3 %. Inkludert perioderesultat er rein kjernekapitaldekning
på 17,9 %.

Den fullstendige kvartalsrapporten er lagt ved, saman med ein presentasjon av
tala pr. 3. kvartal 2023.

Kontaktpersonar:
Trond Teigene, adm. direktør, tlf. 908 25 086
Frode Vasseth, direktør økonomi og finans, tlf. 951 98 452


602113_SSF kvartalsrapport Q3 2023.pdf
602113_SSF Investorpresentasjon Q3-23 Norsk.pdf

Kilde

Sparebanken Sogn og Fjordane

Leverandør

Oslo Børs Newspoint

Company Name

Spb Sogn og Fjordane 15/25 2,45%, Spb Sogn og Fjordane 18/29 FRN C SUB, Spb Sogn og Fjordane 18/23 2,60%, Spb Sogn og Fjordane 19/30 FRN C SUB, Spb Sogn og Fjordane 19/24 2,09%, Spb Sogn og Fjordan 19/PERP FRN C HYBRID, Spb Sogn og Fjordane 20/25 FRN, Spb Sogn og Fjordane 21/27 FRN C, Spb Sogn og Fjordane 21/31 1.91 pct, Spb Sogn og Fjordane 21/28 2.15 pct, Spb Sogn og Fjordane 21/25 FRN C, Spb Sogn og Fjordane 21/24 FRN, Spb Sogn og Fjordan 21/PERP FRN C HYBRID, Spb Sogn og Fjordan 22/PERP FRN C HYBRID, Spb Sogn og Fjordane 23/33 FRN C SUB, Spb Sogn og Fjordane 23/PERP FRN HYBRID, Spb Sogn og Fjordane 23/26 FRN, Spb Sogn og Fjordane 23/27 5,20%

ISIN

NO0010734858, NO0010834443, NO0010835309, NO0010852007, NO0010863509, NO0010869522, NO0010891880, NO0010917271, NO0010922826, NO0010984180, NO0011036154, NO0011096554, NO0011084758, NO0012426347, NO0012858549, NO0012940362, NO0012938994, NO0013005322

Marked

Nordic Alternative Bond Market