Sparebanken Sogn og Fjordane - kvartalsrapport Q1 23

03 May 2023 17:00 CEST

Styret i Sparebanken Sogn og Fjordane har handsama rekneskapen for 1. kvartal
2023. Rekneskapen viser eit resultat etter skatt på 210 millionar kroner for
kvartalet og ein eigenkapitalavkastning på 13,3 %.

Netto renteinntekter enda på 350 millionar kroner, ein auke på 93 million kroner
frå 1. kvartal 2022 og ein auke på 18 millionar kroner frå førre kvartal.

Banken har vekst i utlån til privatmarknaden på 5,8 % siste 12 månadar. Innanfor
bedriftsmarknaden opplever banken god etterspurnad og der er 12 månader vekst no
på 9,9 %. Innskotsveksten frå privatmarknaden er på 4,0 % siste 12 månadar og er
med det litt aukande igjen etter ein fallande trend i kvartala før.
Innskotsveksten frå bedriftsmarknaden held seg sterk, med 15,5 % vekst siste 12
månadar.

Andre driftsinntekter eksklusiv finansielle postar aukar med 3 million kroner
frå 1. kvartal 2022 til 37 millionar kroner. Andre driftsinntekter var høgare i
førre kvartal, men dette skuldast i stor grad lønnsemdprovisjon frå Frende.
Finansielle postar enda på 14 millionar kroner mot 29 millionar kroner i 1.
kvartal 2022.

Banken har 4 kvartal på rad med tilnærma flate kostnadar, og endar på 127
millionar kroner i driftskostnadar. Samanlikna med 1. kvartal 2022 er det
likevel ein kostnadsauke på 7,6 %. Vi ventar kostnadsvekst også vidare framover,
mellom anna som følgje av implementeringsprosjekt knytt til overgangen til
SpareBank 1-alliansen. Banken vil kommunisere meir kring forventa
implementeringskostnadar og effektar av SpareBank 1-prosjektet i samband med Q2
rapportering.

Banken har inntektsført netto 4 millionar kroner på tap i kvartalet. Same
kvartal i fjor hadde banken ei kostnadsføring på 17 millionar kroner.

I sum gir dette eit resultat etter skatt på 210 millionar kroner, ein
resultatframgang på 63 millionar kroner samanlikna med 1. kvartal i fjor.
EK-avkastning etter skatt er på 13,3 % mot 10,0 % i fjor.

Konsernet har pr. 31.03.23 rein kjernekapitaldekning på 17,2 % og total
kapitaldekning på 20,4 %.

Den fullstendige kvartalsrapporten er lagt ved, saman med ein presentasjon av
tala pr. 1. kvartal 2023.

Kontaktpersonar:
Trond Teigene, adm. direktør, tlf. 908 25 086
Frode Vasseth, direktør økonomi og finans, tlf. 951 98 452

More information:
Access the news on Oslo Bors NewsWeb site

589415_SSF Kvartalsrapport Q1 2023.pdf
589415_SSF Investorpresentasjon Q1 23.pdf