Folk reiser meir enn i fjor, men mindre enn i 2019

12 Dec 2022 12:00 CET

Nær 3,7 millionar passasjerar nytta Avinors lufthamner i november i år. Dette er
ein auke på 19 prosent samanlikna med november fjor. Talet på reisande er 11
prosent lågare enn i november 2019, som var det siste ordinære året før
pandemien starta.

Ser vi på tala så langt i år samanlikna med 2021, er talet på passasjerar dobla.
Men om ein samanliknar med 2019 (januar til og med november) ligg talet framleis
18 prosent bak 2019-nivå.

Flyrørsler
Det er 2000 fleire flyrørsler i november i år, enn i november i fjor, ein auke
på 3 prosent. Om ein samanliknar med november 2019, er det nedgang på 9 prosent.


Framleis påverka av pandemien
– Det er nok fleire ting som spelar inn. Innbyggjarar i heile Europa uroar seg
for privatøkonomien, grunna ein sterk auke i levekostnader som reduserer talet
på reiser. Fleire verksemder praktiserer også i større grad enn før pandemien
digitale møte for samhandling. Dette trur vi er viktige faktorar som gjer at
passasjertala framleis ikkje er på nivå med 2019. Effektar av krigen i Ukraina
og pandemien har påverka folk og bedrifter sine reisevanar. Utsikta for vinteren
synes tøff for store delar av luftfarten, seier Gaute Skallerud Riise, direktør
trafikkutvikling i Avinor.

Fleire til utlandet
Framleis er reiser til utlandet den største drivaren for den samla auka av
reisande. I november reiste 1 243 745 passasjerar (+51 prosent) mellom Avinors
lufthamner og utlandet. I november i 2021 reiste 825 832. Talet er framleis 19
prosent lågare enn i november 2019.

Innanlands
2 402 879 reiste innanlands i november i år. Det er 7 prosent fleire enn i 2021,
men 7 prosent færre enn i same månad i 2019.

Oslo lufthamn
I november var auken på Oslo lufthamn på 24 prosent samanlikna med november i
fjor. Innanlandstrafikken auka med 9 prosent og utanlands var auken 44 prosent.
Men samanlikna med november 2019 er passasjertala framleis 15 prosent lågare.

-Vi er glade for at flytrafikken nærmar seg normalnivå. Hovudflyplassen i landet
er inngangsporten for turistar til Noreg, og porten ut i verda for både nordmenn
og norsk næringsliv. Avinor bidrar til at flytrafikken avviklast sikkert,
stabilt og effektivt både for passasjerane og flyselskapa, seier Stine Ramstad
Westby, lufthamndirektør på Oslo lufthamn.

I Avinor-nettverket er det slik at dei lønsame lufthamnene subsidierer dei
ulønsame. Oslo lufthamn sitt bidrag til å oppretthalde flyplassar i heile Noreg
er avgjerande.

https://avinor.no/konsern/om-oss/trafikkstatistikk/trafikkstatistikk

More information:
Access the news on Oslo Bors NewsWeb site